புரிவதில்லை,சில நேரங்களில்...!!...

புரிவதில்லை சில நேரம்,

அவன் நிலை எனக்கிங்கு..
அருகிருந்தால் அறிந்திடலாம்,
தொடர்பிருந்தால் புரிந்திடலாம்,
பௌர்ணமி நிலவாய்தான்..
நாங்கள் பேசுவதும்,

தேய்பிறை கடைநிலையாய்..

பேசும் நொடிகளும்..

இப்பொழுதும் அதுதானா?
கேள்வி அது அவனது,
என்ன கேள்வி இது?!..
மனதில் பதில் எனது..
வேறென்ன இருந்திடும்!?
அவனுக்காய் பதில் எனது..
எதிர்பார்த்த கேள்விகள்,
ஏனோ அங்கில்லை..
பதில் எனது,
அவனுக்காய் இருந்தது..
தயக்கங்கள் இருப்பினும்,
விடையதனை  திணித்திட்டேன்.. 
பெண்ணாய்  அச்செயல்
பிடிக்கவில்லை எனினும்..  
ஆனால்,
யாரிடம் கூறிடுவேன்..
அவனிடம் கூறாது.


புரிவதில்லை சிலநேரம்,
அவன் மனநிலை எனக்கிங்கு..
தொலைவிருந்து அறிந்திட,
இறையும் நானில்லை..
அருகிருக்கும் நிலை,
தற்பொழுது எனக்கில்லை..
எப்பொழுதும் இல்லையா ?
அதுவும் தெரியவில்லை..
விடைகள் தேடுகிறேன்,
புரியாமல் போகிறது..
கண்ணீர்துளிகள் எவ்வாறு,
சர்க்கரை ஆகும்...